Polavisión Films, una empresa de servicios audiovisuales especializada na dirección de cine y documentales

Catriel Marmo y Juan Pablo Lepore dexaron Bonos Aires pa instalase y emprender en La Pola (L.lena)

Va agora daqué más de siete meses que Catriel Marmo dexó atrás la so Arxentina natal pa instalase en L.lena. La inestabilidá política dempués del cambéu de gobiernu y la tensión inflacionista nel so país lleváronlu a facer les maletes y La Pola (L.lena) foi’l so primer destín.

Una vegada instaláu convenció a ún de los sos socios pa qu’entamare’l mesmu camín. Acaben de poner en marcha la so empresa, una axencia de servicios audiovisuales a la qu’apurren más de cuatro décades d’esperiencia nel sector asegura Juan Pablo Lepore, director y productor de cine.

Especializaos na dirección de cine y documentales, cunten qu’entamar nun nuevu país nun ye fácil, anque siéntense bien acoyíos. Un nuevu proyectu pa una nueva vida nun llugar que, dicen, recibiólos colos brazos abiertos.