Principáu y FADE temen los efectos de la guerra nes empreses asturianes

Enrique Fernández afita que "les guerres nunca traen nada bono"

El conseyeru d'Industria, Empléu y Promoción Económica, Enrique Fernández, y la presidenta de la Federación Asturiana d'Empresarios (FADE), María Calvo, llamentaron esti xueves l'ataque de Rusia a Ucraína y espresaron la so esmolición pol efectu que puea tener nes empreses de la rexón.

En declaraciones formulaes momentos enantes de participar nuna xornada sobre financiamientu d'empreses, Fernández y Calvo, coincidieron en que l'ataque de les fuerces armaes ruses sobre territoriu ucraín ye "una mala noticia" y desearon una pronta solución al conflictu.

El conseyeru y la presidenta de FADE alvirtieron de que si la situación s'allarga nel tiempu pue provocar dificultaes nel suministru de gas y un aumentu del preciu de la enerxía eléctrico poniendo en riesgu a delles empreses locales.

Fernández afitaque "les guerres nunca traen nada bono" y nel casu d'Ucraína "amás de la perda de vides humanes" va "tensionar el mercáu de la enerxía".

La presidenta de la patronal almitió la posibilidá de qu'haya una medría de los costos d'enerxía y materies primes, que faigan "invidables" a delles empreses.