Programación especial poel Día d'Asturies en TPA

El documental 'Patria Querida' emítese esta nueche a les 22:30

Conocíu por tolos asturianos y apreciáu en bona parte del mundu, el 'Asturies Patria Querida' pasó de cantu popular a himnu oficial.

Esta nueche a les 22:30 podrán conocer de primer mano con espertos y protagonistes cómo foi esti procesu d’oficialización col documental 'Patria Querida'.

Sedrá’l preludiu del gran día d’Asturies. Mañana a les 11:30 TPA da un programa especial de la Misa de Cuadonga, con un gran espliegue pa cuntar el minutu a minutu dende el Real Sitiu.

A les 17:30 arranca Conexón Asturias con un programa especial y a les 18:30 tendrá llugar la entrega de les medayes d’Asturies, que podrán siguir en directo en TPA.

Nun pierdan tampoco a les 21:45 El Picu col so programa Feliz día d’Asturies, y a les 22:30 prepárense pa cantar y baillar con Mina Longo.

TPA ufierta dafechu 'Mina Longo, 40 primaveras' el conciertu que l’artista asturiana celebró nos 40 años como cantante nel Teatru Prendes de Candás.

Acompañada d’artistes como Nando Agüeros, Anabel Santiago o Pipo Prendes nun faltarán les canciones asturianes nin les mexicanes acompañada del Mariachi Hispanoamérica.

La nueche nun acaba equí La nueche del día d’Asturies ufiertará un programa musical coles actuaciones de Víctor Manuel, Marisa Valle Roso o Nuberu ente otros grandes artistes.

El meyor plan pa pasar el día d’Asturies ta en TPA.