Protesta de la enseñanza concertada pa pidir la equiparación salarial

La conseyera d'Educación refuga abrir la mesa de negociación

Nueva concentración del profesoráu de la enseñanza concertada n'Asturies pa esixir la equiparación salarial cola pública. Docentes y sindicatos manifestáronse esta tarde n'Uviéu, día nel que la conseyera d'Educación aseguró que pel momentu refuga abrir la mesa de negociación.

Los profesores de la enseñanza concertada asturiana avisen: la diferencia salarial con unu de la pública ye de 1.300 euros mensuales. Esixen a la Conseyería d'Educación qu'abra la mesa de negociación p'acurtiar esa fienda.

Dende la Conseyería d'Educación aseguren que tienen la mano tendida al diálogu colos sindicatos, pero frena, pel momentu, la equiparación de la concertada.

Llamenten que los profesores de la concertada seyan los docentes peor pagaos d'España y esixen soluciones o va dir a más el ritmu de les protestes.