Raimundo Díaz y Sonia Lago, nuevos conceyales de Siero

Les lliberaciones de los nuevos conceyales van pasar de 50.000 euros a 30.000 al añu

Raimundo Díaz y Sonia Lago yá son conceyales en Siero. Tomaron posesión nel plenu ordinariu celebráu esta mañana. Sustituyen a Susana Madera y Alberto Pajares, antiguos ediles d'Urbanismu y Facienda, que dimitieron va selmanes.

Raimundo Díaz, presidente de l'Asociación de Xubilaos de Carbayín, nun tien entá nenguna área asignada, mientres que Sonia Lago, presidenta de l'Asociación de Vecinos de Viella, va tener, dende güei, delles delegaciones especiales d'Urbanismu.

Una parte d'estes competencies sigue calteniéndoles l'alcalde, al igual que Facienda. Les lliberaciones de los nuevos conceyales van pasar de 50.000 euros a 30.000 al añu.