Revuelu n'Ibias dempués de qu'un conceyal del PSOE chocare col so coche na casa d'un miembru del PP

El conceyal socialista Marcos Rodríguez afirma que foi un actu ensin intención y pide disculpes por ello

Santantolín d’Ibias vivió una situación complicada na nueche del domingu al llunes col accidente del socialista, Marcos Rodríguez.

El conceyal estrelló’l so vehículu particular escontra’l d’Estrella Fernández, númberu cinco del Partido Popular y escontra la entrada de la casa de la ex-presidenta del Partido Popular n’Ibias, María José Muñiz asegura Estrella Fernández, númberu 5 na llista del PP n’Ibias. Y ye que la disputa ente conceyales de los dos partíos vien d’atrás señala Gemma Álvarez, alcaldesa d’Ibias.

Una situación que xeneró revuelu ente los vecinos énte la gravedá de los fechos y que l’alcaldesa espera que seya por mala suerte y non pol enfadu políticu.

Per parte de so, el conceyal socialista Marcos Rodríguez confirmó a TPA Noticies que lo que pasó nun foi premeditao y que pidió disculpes a les afectaes.