Webcams
Buscar
Ribera reprocha a les comunidaes autónomes que nun presentaren aportaciones sobro'l llobu
La so inclusión nel Llistáu d'Especies Monteses Protexíes pue xenerar un conflictu social ente los ganaderos asturianos
El Principáu paralizó'l so plan de control del llobu a la espera d'esta seguridá xurídica.
La ministra de Transición Ecolóxica almitió la posibilidá de que s'afiten controles selectivos na población del llobu. Teresa Ribera quixo estremar esta midida de la caza deportiva.
La ministra esplicó qu'esta midida va ufiertar garantía xurídica pa los funcionarios que participen nesta xera. Pa ello tienen qu'identificase les zones de peligru d'espansión.
Ribera anunció una partida de 20 millones pa compatibilizar la presencia de la ganadería colos grandes carnívoros y reprochó a les comunidaes autónomes que nun fixeren aportaciones a la inclusión del llobu nel Llistáu d'Especies de Protección Especial.
El Principáu paralizó'l so plan de control del llobu a la espera d'esta seguridá xurídica.
El conseyeru de Mediu Rural, Alejandro Calvo, sorrayó esti mediudía que ta esmolecíu porque la inclusión del llobu ibéricu nel Llistáu d'Especies Monteses Protexíes puea xenerar un conflictu social ente los ganaderos asturianos.
