Rodríguez Braga niega l'esvíu de fondos de los cursos de formación

Primer sesión del xuiciu escontra UXT Asturies por presuntes irregularidaes nos fondos de formación

L’ex-secretariu xeneral d’UXT d’Asturies Justo Rodríguez Braga, qu’afronta una pena de diez años de cárcel pol presuntu esvíu de 1,4 millones d’euros de fondos públicos pa cursos de formación ente 2010 y 2014, negó esti martes qu’hubiere fraude de subvenciones, mientres la so defensa alegó indefensión énte una investigación ensin control xurisdiccional.

El Xulgáu de lo Penal númberu 3 desendolcó esti martes la primera de les dieciséis xornaes previstes nun xuiciu nel que tamién tán acusaos otros cinco ex-dirixentes y técnicos de la organización sindical, dempués d’una investigación qu’entamó n’avientu de 2014 a raíz d’informaciones algamaes pola Unidá Central Operativa (UCO) de la Guardia Civil nel marcu d’una operación por fechos asemeyaos fecha en Sevilla.