Ruta preparatoria pa 'Encumbradas'

L'oxetivu ye dar visibilidá a la muyer nel deporte

Hai munches ganes de que llegue'l retu oficial. Amuésalo esta salida preparatoria a la que llegaron sobre 150 persones. El Conceyu de Siero busca coronar, por muyeres, los picos más altos de los 78 conceyos asturianos. El día escoyíu ye'l 23 de xunu.

'Encumbradas' busca dar visibilidá al deporte femenino. A esta ruta d'entrenamientu, los participantes llegaron en tres autobuses dende Avilés, Llugones y La Pola (Siero).

Los participantes coronaron los techos de Caravia y Colunga, el Picu Piedra Redonda y el Picu Pienzu. Pue participar xente de tolos conceyos, tamién los homes.

Va haber otra ruta d'ensayu na zona centro, y munchos yá escoyeron el so picu pal 23 de xunu.