Saint-Gobain, dispuesta a aconceyar col Ministeriu Industria pa esplicar los sos planes

La empresa reitera la so apuesta por Asturies y una actitú responsable nesti procesu

La dirección de Saint-Gobain ta dispuesta a aconceyar col ministru d’Industria, Jordi Hereu, anque entá nun recibieron la convocatoria oficial con una fecha concreta.

La compañía espera que l’alcuentru, anunciáu ayeri pol Gobiernu, seya bien llueu. Ensin opinar sobre lo que la xunta puea dar de sí, Saint-Gobain reitera la so apuesta por Asturies y una actitú responsable nesti procesu.

El plazu llegal de negociación del ERE colos representantes de los trabayadores de Sekurit caltiénse, enagora, según lo previsto. Remata’l xueves 23 de mayu viniente.