Salvemos La Vega alvierte de que'l conveniu de La Vega "pon en riesgu" el patrimoniu cultural

Los vecinos señalen la so "indignación" pol "silenciu" de los responsables políticos de la capital del Principáu

La plataforma vecinal Salvemos La Vega alvirtió esti vienres de que'l patrimoniu cultural d'Uviéu que ta na redolada de la fábrica d'armes de La Vega ta "en peligru" pol conveniu de reorganización, que se va ratificar de forma definitiva nel plenu municipal del próximu martes, 30 de xunetu.

En concreto, esta asociación refirióse al "altu riesgu" de vulnerabilidá de los monumentos prerrománicos de la ciudá y la ruta del Camín Primitivu, declaraos toos ellos Patrimoniu de la Humanidá, porque'l desenvolvimientu del conveniu, según Salvemos La Vega, podría suponer "la so salida" de la llista cultural.

Nesti sen, la plataforma amosó'l so "contentu" pol pronunciamientu d'Icomos-España, organización adscrita a Unesco, nel que manifestaba la so "esmolición" pola posible "afección" a estos llugares de "gran valir cultural", esplicó la historiadora del arte María del Mar Díaz, integrante de l'asociación.