Sánchez: "A la nuestra izquierda y derecha lo qu’hai son sopes de lletres"

Fíos de trabayadores de Vesuvius dan una camiseta a Pedro Sánchez

El secretariu xeneral del PSOE y presidente del Gobiernu en funciones, Pedro Sánchez, aseguró esti vienres n’Uviéu que, de cara a les elecciones del 10 de payares, a la izquierda y a la derecha del so partíu namái hai "sopes de lletres".

Sánchez definió como "sigles y más sigles" l’espectru políticu al marxe d’un PSOE que ye l’únicu que pue formar el Gobiernu qu’España necesita con una fueya de ruta basada na xusticia social, la llimpieza y la convivencia.

Per parte de so, el presidente del Principáu, Adrián Barbón, pidió esti vienres un "votu de rebeldía" pa facer "más fuerte" a Pedro Sánchez y evitar el "bloquéu consciente" que ficieron los demás partíos, sobre manera Podemos y Ciudadanos, a los qu’acusó de perxudicar los intereses d’Asturies.

Fíos de trabayadores de Vesuvius dan una camiseta a Pedro Sánchez

Cuatro neños, fíos de los trabayadores de la compañía Vesuvius que dio anuncia del cese de l’actividá industrial nes sos plantes de Llangréu y Miranda de Ebro (Burgos), treslladaron al presidente del Gobiernu en funciones, Pedro Sánchez, l’angustia de sos padres énte’l riesgu de perder el trabayu.