Sara Montoya, una boxeadora que ruempe barreres

Va ser la protagonista de 'Golpe a golpe', un documental d'Emilio Ruiz Barrachina

Muyer y boxeadora, la de Sara Montoya ye una historia de superación. Empezó a practicar boxéu cuando yá tenía 22 años y, entá asina, llogró destacar siendo agora un referente pa munchos deportistes y tamién pa los alumnos a los qu'entrena nun ximnasiu d'Avilés.

Llega cola ilusión de cumplir un suañu. Como cada día qu'entrena, sigue un ritual, concentrada en cada movimientu y cada golpe. Con 22 años enganchóse a un deporte que pa Sara foi una forma d'escape y que-y dio sentíu a la so vida.

D'etnia xitana, consiguió romper munches barreres, yá que nun ye vezu ver a una muyer boxeadora. En nueve años sacó'l títulu de Técnica de Boxéu nivel I, hasta convertilu nel so oficiu. Anguaño enseña a boxear a neños nesti ximnasiu.

La so hestoria ye tan singular que la llevará a la gran pantalla. Va ser la protagonista de 'Golpe a golpe', d'Emilio Ruiz Barrachina, un documental con ficción, qu'entá se ta grabando. Sara espera siguir formándose pa xubir de categoría. Viéndola, la so hestoria na vida, como nel cuadriláteru: saber baillar pa tornar los problemes y pegar fuerte p'aguantar los golpes de la vida.