Sariegu va tener el segundu cohousing d'Asturies

Va haber 20 apartamentos adosaos, d'ente 50 y 60 metros cuadraos, con un preciu de 100.000 euros

Sobro un terrén de 7.000 metros cuadraos va construyise'l segundu cohousing d'Asturies. Va ser en Sariegu, un nucleu rural, pero con tolos servicios y asitiáu nel centru d'Asturies.

Los miembros de la cooperativa La Seronda van formar un proyectu de viviendes colaboratives y autoxestionaes con espacios comunes. Gracies a ello, van aforrar costos y van facilitar una mayor interacción ente los vecinos.

Va haber 20 apartamentos adosaos, d'ente 50 y 60 metros cuadraos, con un preciu de 100.000 euros. Cocina, comedor, llavandería, sala polivalente, taller, ximnasiu o güertu van ser dalgunes de les zones comunes.

Prevén qu'en 2023 yá tean viviendo nes sos nueves cases. El grupu va consolidándose con 15 confirmaciones. Hai interesaos d'Asturies pero tamién de Canaries, Cantabria, Valencia, Estremadura o Castiella y Lleón.