Seis de cada diez mozos considera que'l feminismu tien d'implicar a homes y muyeres

Les muyeres tienen un 11% más de posibilidaes de nun tener un empléu

Seis de cada diez mozos considera que'l feminismu tien d'implicar a homes y muyeres. Dizlo'l barómetru “Juventud y Género" que cada dos daños fai Fad Juventud. Según esti informe, el porcentaxe de mozos que se consideren feministes amenorgó dende 2021 tanto ente los mozos como ente les moces.

Nel casu de les muyeres, por casu, amenorgó en 10 puntos. Entá un 89 por cientu de los mozos consideren que les desigualdaes ente homes y muyeres son grandes.

Un 46 por cientu de los encuestaos consideren que les moces tiénenlo más complicao que los mozos pa dir soles pela cai, un 30% cunta que son peor trataes nes redes y un 26 por cientu asegura que pa elles ye más difícil compaxinar la vida llaboral y familiar.

Les muyeres tienen un 11% más de posibilidaes de nun consiguir un empléu en comparanza con homes con iguales característiques, según un estudiu ellaboráu pol observatoriu 'REGIOlab' de la Universidá d'Uviéu.