Sesenta alumnos del programa Mentoring Compromisu Asturies XXI reciben los sos diplomes acreitativos

Más de 500 alumnos y 150 mentores pasaron pel programa nos 15 años que lleva n'activo

Una ponte ente los estudiantes y el mercáu llaboral ye la esencia del programa Mentoring Compromisu XXI. Un proyectu de tutoríes impartíu por profesionales, los mentores, a mozos que remataron los sos estudios universitarios o de FP. Entamó en xineru, con 60 participantes, esti xueves recoyeron los sos diplomes.

Pablo Sánchez, estudiante d'ADE, reconoz que-y sirvió pa potenciar habilidaes que nun pudo potenciar na Universidá. Pela so parte, Bruno López, director d'Asturex y mentor, afirma que los mozos busquen evolucionar nel puestu de trabayu.

L'oxetivu ye que'l talentu d'estos estudiantes quede n'Asturies, pero munchos opten por marchar de la rexón.

Lucía Zuazua, estudiante d'ADE, considera que ye meyor marchar fuera; mientres que Miguel Rodríguez, director de Deloitte y mentor reconoz que faen fuerza pa que los mozos quieran quedar na rexón.

Nos 15 años que lleva esti programa, pasaron más de 500 alumnos y 150 mentores.