Suiza, dispuesta a entregar en mayu al supuestu autor del crime d’Ardines

Torgues práctiques y técniques pa que l’investigáu puea declarar per videoconferencia, como solicitare la xueza

La xusticia suiza ta dispuesta a entregar al xulgáu de Llanes al principal sospechosu de ser l’autor material del crime del conceyal.

Según informa’l Tribunal Cimeru de Xusticia d’Asturies, les autoridaes xudiciales suices consideren qu’hai torgues práctiques y técniques pa que l’investigáu, que ta presu nel país helvéticu, puea declarar per videoconferencia, como solicitare la xueza.

A cambéu, piensen nuna posible entrega dende’l 1 de mayu viniente.

El xulgáu de Llanes comunicará a la Xusticia suiza qu’arrenunciaría a esi interrogatoriu telemáticu, siempres qu’asegure la entrega del investigáu nel mes de mayu.