Suspendida la xunta ente sindicatos y Vesuvius nel Sasec dempués de la muerte d'un trabayador

El trabayador de Miranda de Ebro sufrió un infartu cuando volvía de la marcha

Un trabayador de la planta de Vesuvius en Miranda de Ebro finó ayeri, martes, d'un infartu cuando volvía pa casas dempués de participar na multitudinaria macha ente Riañu y Uviéu en protesta pol ERE que supondrá'l cese de l'actividá industrial en dambes instalaciones.

El trabayador finó cuando volvía en coche pa Miranda de Ebro, informó la empresa, que dio'l pésame pola muerte y púnxose a disposición de la familia pa ufierta-y el so sofitu.

Los representantes de Vesuvius y el Comité d'Empresa acordaron aplazar al 2 d'ochobre viniente la xunta que teníen prevista pa esti miércoles nel Serviciu Asturianu de Solución Estraxudicial de Conflictos (Sasec) pa negociar l'ERE presentáu pola multinacional británica'l 12 de setiembre pasáu.