TPA emite cuasi 10 hores d’información en directo sobre los Premios Princesa

Los reis y les sos fíes agradecen a TPA la cobertura de la Selmana de los Premios

RTPA ta volcándose, un añu más, cola cobertura de los Premios Princesa d’Asturies. TPA ufiertó ayeri, vienres, 18 d’ochobre, cuasi 10 hores d’información en directo. Pela nueche, dempués de la ceremonia que se celebró nel Teatru Campoamor, los premiaos compartieron les sos impresiones con TPA.

L’aclamada escritora de Los Estaos Xuníos Siri Hustvedt, l’alcaldesa de la ciudá polaca de Gdansk, el prestixosu psociólogu Alejandro Portes, el director d’El Prado y la bióloga arxentina Sandra Myrna, ente otros, pasaron pel set de la televisión pública.

Sandra Myrna afondó nel gran desafíu que representa’l cambéu climáticu. La educación ye’l campu de trabayu del matemáticu norteamericanu Salman Khan, creador de la plataforma dixital que revolucionó l’aprendizaxe.

La esquiadora Lindsey Vonn celebró’l so cumpleaños n’Asturies. Sopló vela y amosó les mancadures de guerra que la obligaron a retirase de l’alta competición.

Dempués de la ceremonia nel Teatru Campoamor, la Familia Real, yá de vuelta nel Hotel de la Reconquista, averóse a saludar a parte del equipu de TPA qu’ayeri cubrió la entrega de los premios y tolo qu’arrodia a esti acontecimientu.