Talleres sobre Tik Tok pa cuasi 80 alumnos y alumnes del institutu La Madalena d'Avilés

El propósitu de la iniciativa ye medrar les sos competencies dixitales y meyorar la seguridá

Medrar les sos competencies dixitales y meyorar la seguridá. Esi ye’l propósitu de los talleres sobre Tik Tok nos que participen cuasi 80 alumnos y alumnes del institutu La Madalena d’Avilés.

Munchos adolescentes desconocen pautes mínimes cuando entren nesta plataforma, que tamién tien un potencial educativu. Y ye que la seguridá de los usuarios ye una prioridá. Equí tamién descubren lo que son bulos y el riesgu de compartir vídeos.

La verdá ye que Tik Tok engancha, pero búscase dir más allá del entretenimientu, y dar nuevos talleres pa los y les profesores y les families, pa esprimir la versión más educativa de Tik Tok.

Hai más de 100 cibervoluntarios nel Principáu que participen n’iniciatives como esta.