Tameza acueye la feria de ganáu de Cuevallagar

En castellano: Yernes y Tameza acoge la feria de ganado de Cuevallagar

Feria de ganado de Cuevallagar en Yernes y Tameza

Hasta 800 cabeces de ganáu equino y bovino nuna fiesta enllena d'actividaes pa tolos públicos

Tameza va acoyer esti fin de selmana la feria de ganáu de Cuevallagar. Nesta edición podrán vese hasta 800 cabeces de ganáu equino y bovino, nuna fiesta, amás, enllena d'actividaes pa tolos públicos.

Nun llugar privilexáu y acompañada de comida, xuegos tradicionales, canción asturiana y la so clásica romería, la feria de ganáu de Cuevallagar va camín de bater el so récord nuna edición, na qu'amás, el tiempu acompañó.

Nesta edición participen hasta 800 cabeces de ganáu bovino y equino, un oportunidá de negociu pa los ganaderos de la zona y una forma d'ociu pa vecinos y visitantes.

Anguaño la organización calcula cuasi un millar de visitantes que se van averar pa esfrutar d'esti tradicional eventu que cumple la so quinta edición desque se retomara. Y como cada añu, munchos faen nueche na zona d'acampada pa esfrutar de principiu a fin del eventu.

Pa los que s'animen, inda queden actividaes per delantre. Mañana va cerrase con paellada y otra parrillada y, por supuestu, munches ganes de fiesta.

Comparte