Webcams
Buscar
El sector turísticu trata de frenar la fuxida de vecinos a zones más grandes
La independencia del conceyu de Tapia ye relativamente nueva. Hasta mediaos del sieglu XIX pertenecía a Castropol. Foi Fernando Fernández Casariego'l responsable d'un llogru que na villa siguen recordando con pasión.
En plenu centru de la capital ta la so escultura, inaugurada en 1930 y tien un sitiu bien importante nel muséu del conceyu, onde un holograma cola so figura introduznos na hestoria d'un personaxe que dexó más buelgues.
Ye unu de los grandes personaxes, y tamién lo foi Gonzalo Méndez de Cancio, un marín nacíu en Tapia en 1554. El responsable d'inxertar el maíz n'Asturies.
En 1600 tornó de les amériques con dos arques enllenes de maíz. Llantóse na so casa de Casariego. Güei, 400 años dempués, inda vemos maíz cabo la so antigua casa.
Tapia ye unu de los pocos conceyos de la zona onde la población nun esperimentó na so hestoria grandes cambeos. En 1900 había 5.100 vecinos güei unos 3.800.
La emigración dexóse notar con fuerza énte la falta de recursos, pero tres la Guerra Civil l'enclín cambia y la población aumenta, principalmente pol arrastre del puertu pesqueru, que nada tenía que ver col de güei.
Güei la despoblación tamién se ceba col conceyu, non tanto como n'otros de zones muncho más rurales. Anque'l sector turísticu trata de frenar la fuxida de vecinos a zones más grandes.
