Tendencies más ecolóxiques y dixitales nel sector funerariu

Medra l'interés polos funerales amigables col mediuambiente

Más ecolóxiques y dixitales. Asina son les nueves tendencies nel sector funerariu. Según un estudiu fechu por un comprador de servicios fúnebres, medra l’interés polos funerales amigables col mediuambiente. Tamién son más los qu’inxerten memories dixitales nos velatorios.

La pandemia disparó la compra 'online' o les plataformes de 'streaming'. Tamién se nota n’otros sectores.

El 60% de los españoles contrataríen servicios funerarios per Internet. La dixitalización tamién promete camudar los velatorios. El 54% compartiría memories multimedia del muertu, como fotos o vídeos, nel velatoriu. Si se pregunta a xente mozo, cuasi ocho de cada 10 tán interesaos.

La tecnoloxía marca cómo damos los pésames. El 74% de los españoles prefier usar WhatsApp.

Anque nun gusta compartir en redes publicaciones sobre una muerte, namás lo fadría’l 24% de la xente, el 87% de los españoles reclama servicios funerarios ecolóxicos y el 38% pagaría más por ellos. Sicasí les incineraciones, nun dexen de medrar. Yá son más del 45% del total.