Tercer xornada de fuelga nel comerciu minorista d'Asturies

Sigue'l bloquéu nel centru loxísticu d'Alimerka

Tercer xornada de fuelga de supermercaos d'Asturies. Nel fin de selmana la tensión foi n'aumentu nel centru de loxística d'Alimerka de Llanera. Ábrese güei una selmana clave poles fiestes.

A primer hora de güei llunes, la Guardia Civil desallugaba a los piquetes que bloquiaben el pasu de camiones nel centru loxísticu de Llanera.

Darréu, los piquetes fueron a los supermercaos o centros comerciales que tán nesta convocatoria de fuelga. En principiu va allargase hasta'l día 31 d'avientu.

Ayeri, domingu, namái un vehículu, d'un tresportista autónomu de Madrid, podía salir pela mañana de les instalaciones del centru loxísticu, pero vacíu.

El piquete informativu tuvo les 24 hores del día y treslladábase a Grau que ye unu de los conceyos, xunto a Cangues d'Onís, onde l'apertura de supermercaos ye vezu los domingos.