Ayalgues de la biblioteca de la Universidá d'Uviéu

Tien 22 incunables y miles d'obres de los sieglos XVI, XVII y XVIII

La biblioteca de la Universidá d'Uviéu cumple l'añu que vien 250 años. Tien 100.000 exemplares, ente ellos dalguna xoya. TPA Noticies visitó la biblioteca de la mano del so director, Ramón Rodríguez.

La biblioteca de la Universidá d'Uviéu dio'l so gran impulsu cuando, en 1770, abre al públicu nel so actual allugamientu. En 1934 foi quemada dafechu y perdiéronse tolos sos fondos. Recuperóse adulces hasta tener los 100.000 exemplares de güei, ente ellos delles xoyes como un incalculable exemplar de 1498 de 'El baladro del sabio Merlín’, únicu nel mundu.

La biblioteca tien 22 incunables, miles d'obres de los sieglos XVI, XVII y XVIII, amás d'una colección importante de manuscritos, el más antiguu del sieglu XIII.

Los fondos tán dixitalizándose con ayuda del Ministeriu de Cultura, anque los investigadores siguen queriendo tocalos.

Por cuenta de los 250 años, Ramón Rodríguez prepara un llibru sobro la hestoria de la biblioteca dende 1934 hasta anguaño.