Toño, el 'Mitch Buchannon' de les sableres de Tapia

A los sos 66 años acaba de xubilase

Antonio Alonso, 'Toño' foi'l 'Mitch Buchannon' de les sableres de Tapia más de 50 años.

Cuando yera mui pequeñu escapábase a la mar, fuxía de casa pa guardase ente la roca y mirar lo que siempre foi la so verdadera pasión.

Acaba de xubilase, a los sos 66 años agora toca descansar y, tamién, recordar. Yera mui mozu cuando vixilaba estes sableres. Yeren tiempos difíciles. Había sableres, inclusive, namái que pa homes.

Dempués de dellos años de socorrista voluntariu, decidió dir pa la Lexón y dempués foi vivir una temporada p'Australia pa facer deporte.

A la vuelta retomó'l so trabayu de socorrista, pero yá como xefe d'un equipu que, profesionalmente, velaba pola seguridá de tolos bañistes. Tamién rescatando animales varaos nes sableres.

Mediu sieglu d'oficiu enllén de rescates d'infartu y anécdotes curioses.

Mano firme, brazu de fierro y un sestu sentíu pa detectar problemes nel agua. Toño esfruta agora del branu dende l'otru llau de la barrera pero siempres con un güeyu puestu nel horizonte tapiegu.