Toñi Rodríguez González, nutricionista rural

Da serviciu en Caravia, Parres y Piloña tanto en consulta, como en casa

Lo de Toñi Rodríguez González cola nutrición y los hábitos alimenticios ye una d’eses histories del destín. La uvieína, amiestu de sangre zamorano y casino y madre de dos neños, en realidá diba per otros llaos.

Entamó a trabayar por cuenta ayena d’asesora esperta en nutrición, hasta que decidió que yera’l momentu de llanzase a l’aventura sola. La pandemia dio-y l’emburrión que necesitaba. Munchos de los sos pacientes na ciudá yeren de pueblu asina que pensó: ¿Y si en vez de que’l monte venga a mi, voi yo pal monte?

Caravia, Piloña y Parres son, enagora, los tres conceyos pelos qu’esta profesional de la bona alimentación camina de llunes a viernes, compartiendo consulta con otros profesionales sanitarios como psicólogos y tamién con visites a casa.

Nun descarta ampliar territoriu per esta zona del oriente asturianu. De fechu, proyecta abrir espaciu de so en Caravia