Tres de cada cuatro graduaos de la Universidá d'Uviéu trabaya al añu

El 4,3% de los tornaos en 2022 trabayaba por cunta de so un añu dempués d'acabar los estudios

El 74,2% de los graduaos y el 77% de los titulaos en máster de la Universidá d’Uviéu trabayen un añu dempués de finalizar los sos estudios, según un informe sobre inxerimientu llaboral presentáu esti miércoles pola institución académica asturiana.

L’informe, que se centra nes persones titulaes nel cursu académicu 2021-2022, un total de 2.417 estudiantes de grau y 918 de máster, afita un nivel d’empleabilidá mui asemeyáu ente homes y muyeres.

En concreto, el 73,9% de les muyeres graduaes nesi cursu trabayó un añu dempués d’acabar los sos estudios, frente al 74,7% de los homes.

L’estudiu revela que’l grau n’Inxeniería Eléctrica y el doble grau n’Inxeniería Civil y Inxeniería de los Recursos Mineros y Enerxéticos algamen el plenu trabayu 12 meses dempués d’algamar el títulu.

Amás, el 4,3% de les persones graduaes nel cursu 2021-2022 trabayaba por cuenta de so un añu dempués d’acabar los estudios -un 5,7% nel casu de los homes y un 3,4% nel de les muyeres-, sobre manera nos estudios d’Odontoloxía, con un 44,4% de tornaos qu’emprendieron nel primer añu.