Tres de los cuatro diputaos de Podemos Asturies abstendránse na votación de los presupuestos

Les dos candidatures que se presentaron a les primaries vuelven a llanzase reproches

Tres de los cuatro diputaos de Podemos Asturies abstendránse na votación de los presupuestos, que tendrá llugar el xueves viniente na Xunta Xeneral.

Esto garantiza que’l Principáu sacará alantre les cuentes. Al empar afita la ruptura de la formación.

Les dos candidatures que se presentaron a les primaries volvieron a llanzase güei reproches cruzaos.

Rafael Palacios, diputáu de Podemos Asturies na Xunta Xeneral y afín a la nueva coordinadora autonómica, Sofía Castañón, culpa a Ripa de dexar al grupu parllamentariu al marxe de la negociación presupuestaria.

Dende la otra candidatura, la de Daniel Ripa, esixen que’l sentíu del votu tenga que decidise enantes nel Conseyu Ciudadanu autonómicu de Podemos.

Un Conseyu Ciudadanu que miembros de la nueva dirección, aseguren, entá nun se formó.