Turnismu ente PSOE y PP na evolución democrática de Pravia

El consistoriu d’anguaño ta formáu por 13 conceyales

Nos últimos 40 años, el Partido Socialista ye’l que más tiempu gobernó: 22. Anque, nestes cuatro décades, hubo un turnismu ente’l PSOE y el PP.

El primer alcalde de la democracia, Paco Fernández Casielles, tuvo 12 años el bastón de mandu, de mano con UCD y dempués con el PP.

Dempués de Casielles, la llista del socialista Juan Manuel González ganó les elecciones y tuvo cuatro años al frente de l’alcaldía. Sucediéndolu, na siguiente llexislatura, el popular Juan Carlos Guerrero.

En 1999, Juan Manuel González volvió a convertise n’alcalde, anque nun acabó la llexislatura por una moción de censura. Sicasí, los seis meses anteriores a les elecciones de 2003, Juan Carlos Guerrero volvió a ser l’alcalde de Pravia col grupu mestu.

En 2003, PP y PSOE empataron en conceyales. Sicasí, el partíu independiente Unidad Praviana decidió sofitar a los socialistes, poro, Antonio de Luis Solar proclamóse nuevu alcalde del conceyu, y gobernó hasta finales de 2015, cuando tuvo que dimitir al abri-y xuiciu oral pol “casu de los parquímetros".

Sucediólu l’edil David Álvarez nel cargu. Pal que podría ser beneficiosu que’l conceyu s’inxertare nel área metropolitana central.

13 conceyales formen, anguaño’l consistoriu: siete del PSOE, tres del PP, dos d’IX y unu de Foro.