URA pide al Principáu un retén en cada unidá veterinaria pa la vacunación de la llingua azul

Los ganaderos critiquen que se tarden hasta cuatro meses pa cobrar un albuertu

La Unión Rural Asturiana urxe al Principá pa que ponga en marcha un equipu de retén en cada unidá veterinaria que s’encargue de volver a vacunar escontra la llingua azul a los xatos pendientes de les dos pautes nes esplotaciones ganaderes.

URA denuncia retrasos y problemes pa rexistrar nes oficines comarcales los albuertos provocaos, los partos prematuros y les muertes súbites que provoquen los efectos de la vacuna de la llingua azul.

Por eso reclama que s’informe a toes estes sedes del procedimientu pa solicitar la compensación polos efectos secundarios. Amás, critiquen que se tarden hasta cuatro meses pa cobrar un albuertu.