UXT reclama alcuerdos de gobernabilidá pa evitar la "parálisis"

Lanero pide a Parter Capital que defina'l so plan industrial p'Alcoa

El secretariu xeneral d'UXT n'Asturies, Javier Fernández Lanero, sorrayó esti martes la necesidá de que los partíos políticos algamen alcuerdos de gobernabilidá tanto n'Asturies como n'España pa evitar la "parálisis" y poner en marcha les midíes sociales que necesita la ciudadanía.

En declaraciones a los periodistes enantes de participar nuna xunta del comité rexonal del sindicatu, Fernández Lanero conseñó la importancia de que se cierren estos alcuerdos "cuanto enantes" pa poder entamar a trabayar.

Javier Fernández Lanero, emplazó esti martes a Parter Capital, inversor suizu interesáu en comprar les factoríes d'Alcoa n'Avilés y A Coruña, que detalle un plan industrial nel que defina "a qué mercaos va dir, qué quier producir y qué plan estratéxicu tien".