Un centenar de colexos anueven programes pal fomentu de la equidá

Espina robla per segundu añu'l Proa+ y los contratos-programa

La Conseyería d'Educación robló güei colos responsables de 95 centros l'anovación de los dos programes pa fomentar la equidá na enseñanza asturiana: el Proa+ y los contratos-programa.

La conseyera, Lydia Espina, robló per segundu añu'l Programa pa la Orientación, Avance y Arriquecimientu Educativu (Proa+) coles direcciones de los 89 centros involucraos: 79 de titularidá pública y 10 privaos calteníos con fondos públicos.

Per otro llau, robló seis contratos-programa pa centros promotores d'equidá, qu'algamen el so cuartu y últimu añu, porque yá nun tendrán continuidá.

Espina solliñó que les dos iniciatives dexarán a tol alumnáu “desendolcar la capacidá de deprender a deprender”, daqué aplicable “a tola so vida”.​