Un centenar de participantes nel Concursu de Perros de Rastru en Noreña

Buen olfatu, bona voz y una postura correcta son cualidaes que se valoren nos perros de caza

Un centenar de participantes diéronse cita esta mañana en Noreña nel segundu Concursu de Perros de Rastru, entamáu pola sociedá de cazadores de Siero y Noreña.

Buen olfatu, bona voz y una postura correcta son cualidaes que se valoren nos perros de caza. Dalgunos de los meyores, de dientro y fuera d’Asturies, diéronse cita nel concursu de Noreña.

Ente’l centenar de participantes, el trubiecu Casimiro García, bicampeón d’España nesta modalidá, que concursó con un Grifón de nome Tao.

La prueba consistió en siguir nun máximu de dos minutos el rastru dexáu por un xabaril y marcáu unes tres hores enantes.

Ye la segunda edición d’un concursu que los entamadores, la Sociedá de Cazadores de Siero y Noreña, quieren convertir l’añu qu’entra en puntuable pal Campeonatu d’España.