Un home de 51 años, séptimu positivu por coronavirus n’Asturies

L’home, con fiebre y dolor de garganta, tará n’aisllamientu domiciliariu

La Conseyería de Salú confirmó esti vienres un séptimu positivu por coronavirus n’Asturies, el d’un home de 51 años que viaxó a Madrid y que presenta sintomatoloxía leve.

Según les mesmes fontes, l’home, con fiebre y dolor de garganta, tará n’aisllamientu domiciliariu.

Con esti nuevu positivu son siete’l númberu de contaxos detectaos n’Asturies, dempués de que’l Centru Nacional de Microbioloxía descartare que la muyer de 85 años ingresada nel Hospital Universitariu Central d’Asturies (HUCA) tenga coronavirus.