Un informe defende’l caltenimientu de les bateríes de coque d’Avilés
![ArcelorMittal recupera las cuatro baterías que aún estaban paradas tras el incendio del martes](https://www.rtpa.es/fotos//18/10/20181020202215_ARCELOR201018.jpg)
Asítiales ente unes de les más relevantes que se construyeron n’España
Un informe interdisciplinar sobre les bateríes de coque d’ArcelorMittal d’Avilés fundamenta’l so caltenimientu y protección, asítiales ente unes de les más relevantes que se construyeron n’España y propón pa elles alternatives d’usu.
En concreto, l’informe propón una primer opción de caltenimientu pa los dos gasómetros, les bateríes completes con tolos sos fornos, les torres de carbón y d’apagáu, les chimenees, los cribaderos, les oficines, el taller de caltenimientu mecánicu y los almacenes xenerales.
Amás, deberíen caltenese una desfornadora, un carru de carga, un carru guía, los volcadores y un vagón d’apagáu.
Nel so defectu, l’informe propón como alternativa un caltenimientu de mínimos pa los dos gasómetros (sobre manera’l númberu 2 por ser visible dende’l pobláu obreru de Llaranes, venceyáu a la fábrica), una batería de coque (una torre de carbón, trenta fornos y una torre d’apagáu) cola so correspondiente maquinaria, cribaderos, toles chimenees, los almacenes xenerales y el taller de caltenimientu mecánicu.