Un total de 1.153 persones tán empadronaes en Somiedu

La ganadería sigue siendo’l motor económicu del conceyu

Un total de 1.153 persones tán empadronaes en Somiedu. El techu poblacional del conceyu asítiase a finales del sieglu XIX y entamos del XX, cuando se superaben los 5.000 habitantes. El declive foi na década de los sesenta, cola migración al centru d’Asturies. Sicasí, la declaración del conceyu cómo Parque Natural en 1988 supunxo una ralentización de la sangría demográfica.

Un datu que convida al optimismu ye la so natalidá y ye que, a pesar de que menguó, dende va unos años la cifra de neños escolarizaos caltiénse.Ye en La Pola, con 228 habitantes, onde viven más persones. Sicasí, la población espárdese de manera homoxénea per tol conceyu.

No que cinca a los sectores productivos, la ganadería sigue siendo’l motor económicu del conceyu y axunta’l 50% de los puestos de trabayu. El sector servicios ye’l que más medró nos últimos años, de la mano del turismu y les empreses venceyaes a les nueves tecnoloxíes.

Ye la industria la que perdió pesu. Sicasí, entamó a apostase pol sector agroalimentariu, como un nuevu xenerador de trabayu y riqueza pal conceyu.