Un total de 35 cineastes asturianos roblen el manifiestu 'Cineastes pola Oficialidá'

Reivindiquen la oficialidá del asturianu pa tar n'igualdá de condiciones col restu de producciones cinematográfiques españoles

Un total de 35 cineastes d’Asturies, a títulu personal y en representación de les sos productores, roblen esti manifiestu en sofitu a la oficialidá del asturianu y del gallego-asturianu. Esto equipararía’l cine n’asturianu al del restu d’España en términos, por exemplu, de financiación.

Enagora nel ICAA, l’Institutu Cinematográficu, les películes n’asturianu taríen penalizaes frente a les rodaes n’español o dalguna otra llingua oficial asegura Ramón Lluís Bande, cineasta.

N’otres comunidaes como Galicia, destínase, según un estudiu de la Universidá de Santiago y CaixaBank, el 2,5% del PIB a la industria cultural gallega. Esti tipu de midíes promoveríen l’usu de la llingua asturiana nel cine asturiano señalen los cineastes Elisa Cepedal y Pablo Casanueva.

Conviden al centru derecha, PP y FORO, a sofitar la reforma del artículu 4 del Estatutu d’Autonomía col envís d’algamat la oficialidá y con ella la llibertá pa escoyer cómo cuntar les sos histories.