Un total de 580 alumnos en llista d'espera pa entrar nes escueles infantiles d'Uviéu

Piden ampliar places o construyir nuevos equipamientos nos barrios con más demanda

Un total de 580 alumnos quedaron esti añu en llista d’espera pa entrar en dalguna de les escueles infantiles d’Uviéu. Háiles qu’acumulen más de 150 solicitantes nesa llista. Nos barrios con más demanda, piden ampliar places o construyir nuevos equipamientos.

Mientres, el Partido Socialista culpa al Gobiernu d’Uviéu de nun presentase a la convocatoria d’ayudes qu’ufierta’l Principáu pa meyorar estos espacios.

Con 153 solicitúes ensin plaza, la Escuela Infantil d’El Rubín ye la que más llista d’espera acumula n’Uviéu. Síguenla, Montenuño con 110; y la María Balbín, nel barriu d’Otero-San Llázaro, con una llista d’espera de 94 alumnos.

En La Corredoria, barriu más pobláu de la ciudá, quedaron fuera 77 solicitantes, munchos tendrán que valorar la opción de guarderíes privaes.