Un vehículu asturianu, premiu a la movilidá sostenible del Institutu Européu de la Tecnoloxía y l'Anovación

Facilitar la movilidá del viaxeru y amenorgar a cero les emisiones ye l'oxetivu d'esti inventu

Facilitar la movilidá del viaxeru y amenorgar a cero les emisiones. Ye l'oxetivu del vehículu que-yos vamos presentar. Un inventu asturianu que se fixo col tercer premiu a la movilidá sostenible concedíu pol Institutu Européu de la Tecnoloxía y l'Anovación celebráu la selmana pasada en Cracovia.

Un 'Smuber' acaba de recibir el premiu a la movilidá sostenible del Institutu Européu de la Tecnoloxía y l'Anovación, en Cracovia, Polonia. Un inventu patentáu con sellu asturianu, de Perlora.

Detrás d'esti vehículu eléctricu, plegable y con autonomía pa 40 kilómetros, ta David de la Vega y la so empresa, Esguil.

El nichu de mercáu pa echar a rodar esti 'Smuber' ye'l sector hoteleru para favorecer la movilidá de los viaxeros. Y yá tienen encargos. Un concesionariu de vehículos eléctricos quier facese coles primeres unidaes.