Una multinacional proyecta plantes de biogás en Castropol, Tinéu y Xixón
![Una multinacional proyecta plantas de biogás en Castropol, Tinéu y Gijón](https://www.rtpa.es/fotos//24/02/20240209201138_RTPA4583509.jpg)
La planta de Castropol taría llista en dos años dempués d'un desembolsu de cerca de 20 millones d'euros
Dos parceles del polígonu industrial de Barres agospiarán la segunda planta de biogás del noroccidente asturianu, dempués de la de Navia. La multinacional americana CCC Energo trabaya cola idea de recoyer añalmente más de 200.000 tonelaes de purín de ganaderíes de la zona col envís de xenerar biometanu verde pa usu enerxéticu y, amás, fertilizante que podrán aprovechar los agricultores. Asina lo esplica Sergio Kiria, director xeneral de CCC Energo.
La idea ye que la planta, si los trámites siguen el so calce, puea tar llista en dos años dempués d’un desembolsu de cerca de 20 millones d’euros. Los ganaderos, esplica la empresa, nun tendríen que pagar nada pol tresporte del so purín a la planta. Los ganaderos de Castropol y del entornu yá conocen el proyectu y en xeneral acuéyenlu con bones impresiones. Asegúrenlo ganaderos como Daniel Álvarez y Severino Núñez.
Amás d’esta planta en Castropol, la empresa proyecta otres dos en Xixón y Tinéu.