Una puesta en común d'idees pa devolver la funcionalidá a los pueblos pequeños

Pion acueye l'alcuentru 'Aldeas del siglo XXI'

El I alcuentru 'Aldeas del siglo XX'I, qu’albergó’l pueblu de Pion, en Villaviciosa, valió pa poner en común les bases del proyectu de 'Aldea 0' que dexen devolver la so funcionalidá a los pequeños pueblos y atrayer nuevos pobladores.

Una puesta en común d’idees p’afrontar esi cambéu. N’Asturies son cuatro los pueblos participantes. Mual, en Cangas el Narcea, ye ún de los cuatro pueblos asturianos que más adelantáu lleva’l proyectu pilotu, un proyectu nel que los sos 85 vecinos y el llabor de dinamización de les sos asociaciones, son l’exe d’actuación.

Precisamente devolver funcionalidá a los pueblos, acoyer nuevos pobladores y retener talentu pa desendolcar la so vida nellos ye lo que se busca, un futuru nel que nun s’escaeza al sector primariu pero tampoco la tecnoloxía.

Importante ye tamién la esperiencia de comunidaes vecines na mesma situación, y onde destaca Galicia, que yá lleva dellos años trabayando específicamente na recuperación de tierres en situación d’abandonu y la creación de una rede de pueblos modelu.

Los alcuentros 'Aldeas del siglo XXI' apostarán non solo pol alderique, sinón pola esperiencia sobre’l tarrén cola visita puesta nos pueblos de Porrúa y Asiegu.