Universidá d'Uviéu y Principáu impulsen una cátedra sobre derechos sociales

La Conseyería de Derechos Sociales encargó una auditoría a l'Airef

Una nueva Cátedra de la Universidá d'Uviéu va impulsar la meyora permanente del sistema asturianu de servicios sociales, pa lo que va fomentar la investigación, tanto básica como aplicada, va espublizar los sos resultaos y va meyorar la formación nesti campu.

La Universidá d'Uviéu y la Conseyería de Derechos Sociales del Principáu roblaron esti martes un conveniu pa la creación de la Cátedra d'Innovación Social-Retos del Bienestar, según informó la institución académica asturiana.

Con esta Cátedra, que cunta con una inversión de 150.000 euros, financiaos con cargu al Plan de Recuperación, Tresformamientu y Resiliencia, fondos Next Generation de la Xunión Europea. Dambes instituciones afiten un marcu estable de cooperación y intercambiu pa la meyora permanente del sistema asturianu de servicios sociales.