Unu de cada cuatro asturianos ta en riesgu de probitú, 36.000 persones más nun añu

Colunga señala que los datos agravaránse l'añu que vien por cuenta de la incidencia de la pandemia

El 24,6% de la población d'Asturies taba en 2019 en riesgu de probitú o esclusión social, un total de 251.863, una cifra qu'aumentó en 36.000 persones nun añu y en 73.000 en relación a 2017, "un enclín que ta medrando" como apunta l'informe 'Probitú y Esclusión n'Asturies' de 2019

El presidente d'EAPN-AS, Héctor Colunga, que presentó na Xunta Xeneral del Principáu, sorrayó que los malos datos que presenta esti estudiu agravaránse l'añu que vien por cuenta de la incidencia de la pandemia del coronavirus sobro la economía y la esclusión social.

Según l'informe, la tasa Arope, que mide la población en riesgu de probitú o esclusión social, xubió n'Asturies del 20,9% de 2018 al 24,6% en 2019, y, anque se caltién per debaxo del promediu nacional del 25,3%, ye la mayor cifra desque se tomen datos.