Uviéu quita los primeros bancos pintaos col arcu la vieya col entamu de les obres de La Escandalera
![Oviedo retira los primeros bancos arcoíris con el inicio de las obras de La Escandalera](https://www.rtpa.es/fotos//20/01/20200120132733_ESCANDALERACANTELI201.jpg)
A primer hora d'esta mañana los operarios quitaron dos fileres de bancos
Uviéu entamó les obres de remocique de la plaza de La Escandalera y con elles, entamaron a quitase los bancos pintaos col arcu la vieya, símbolu del colectivu LGTBI.
A primer hora d'esta mañana los operarios quitaron dos fileres de bancos. Entá queden por quitar los que tán a la vera del edificiu Liberbank, que se fadrá nos díes vinientes según lo vayan necesitando los trabayos.
El proyectu consiste en llevantar y reponer parte del suelu estropiáu y en facer dos ramples xunto a les escaleres qu'hai, pa meyorar l'accesibilidá.
L'alcalde d'Uviéu, Alfredo Canteli, supervisó personalmente les obres y confirmó que los bancos van pintase d'otru color y colocase n'otres zones de la ciudá, como La Llosa o El Campo San Francisco.