Uviéu vuélcase col Día de les Fuerces Armaes

Miles de ciudadanos esfruten del desfile peles cais d'Uviéu

Miles d'asturianos asistieron esti vienres y esti sábadu a los actos conmemorativos del Día de les Fuerces Armaes, celebraos en Xixón y Uviéu cola participación d'unos 6.000 militares y presidíos pol rei, acompañáu pola reina Letizia.

Uviéu respondió a la llamada y les cais peles que pasó'l desfile enllenáronse de persones que quixeron sofitar a les Fuerces Armaes nun día nel qu'acompañó hasta'l bon tiempu.

Húbolos que madrugaron en sábadu y llevaron hasta l'asientu pa coyer primer fila, como Pili Ruiz, Marta de Salas y Marta del Río o José Carlos Díaz.

Los vecinos d'Uviéu, como María Rolinda Fernández, siguieron un desfile que munchos calificaron d'hestóricu. Cola emoción de ver a los que siguen tradiciones familiares o suañando con tar dalgún día ehí con ellos.

Tamién siguieron el desfile vecinos como Conchi Llano o Faustino Marinas, cola mente puesta n'otres realidaes más dolioses.

Un día pa esfrutar dende cualquier tipu d'altor, dende ventanes, a pie d'asfaltu, y inclusive buscando alternatives.

Una xornada p'aplaudir, nel primer desfile de les Fuerces Armaes n'Asturies.