Vecinos de dellos pueblos de Siero esixen a Socasino que cumpla cola normativa de caza de xabalinos

Tiñana, Hevia y Meres son dalgunos de los llugares que se xunieron pa faer frente a esti problema

Vecinos de dellos pueblos de Siero demanden al cotu de caza d'esti conceyu y de Noreña, Socasino, que cumpla colo establecío pol Principáu, que desanició'l cupu de xabalinos pa cazar.

Esta mañana concentráronse frente al Conceyu pa encamentar que se tomen midíes, porque'l cotu local sigue col cupu de caza de namás tres xabalinos, a la escontra de lo dictao pol gobiernu autonómicu.

Tiñana, Hevia o Meres son dalgunos de los llugares que se xunieron pa faer frente a esti problema.