Velocidá sobre ruedes en Ribeseya

Promoción de los patines en llinia ente los más pequeños

Los patinadores que practiquen el 'roller', los patines en llinia, fueron esta mañana los auténticos amos de la sablera de Santa María de Ribeseya. La villa acoyó, per primer vegada na so hestoria, una prueba sobre patinos, la carrera inaugural de la temporada 2021-2022 y la primera que se celebra tres la pandemia de la COVID-19.

Fomentar el deporte y xenerar actividá fuera de la temporada turística tán ente les razones del Conceyu de Ribeseya p'acoyer, tanto la carrera como otres actividaes de promoción del 'roller' ente los más pequeños.

Mañana sobre ruedes en Ribeseya de la mano de los 'roller', los patinos en llinia. Avezada a otru tipu d'eventos deportivos, la capital ribeseyana acoyó per primer vegada una prueba d'esta disciplina deportiva con unos patinadores que tuvieron pa ellos solos el paséu de la sablera de Santa Marina, un circuitu zarráu mui distintu y que prestó a los participantes, dalgunos d'ellos taben más avezaos a practicar el so deporte en pista.

Contribuyir a la promoción d'esti deporte foi unu de los motivos que llevó al consistoriu ribeseyanu a acoyer la primer prueba de la temporada de la 'roller' serie.

Mientres, dellos participantes tuvieron que ser atendíos pol personal sanitario por dalgún percance sufríu na carrera.

Yá fuera de competición, los más pequeños tamién tuvieron el so espaciu pa esfrutar sobre patinos y enganchase al 'roller'.