Vertíu nel agua d'El Ríu d'Esqueiru, en Cuideiru

Prohíbese aparcar a furgonetes y autocaravanes na contornada

L’agua d’El Ríu d’Esqueiru en Cuideiru ye’l focu d’atención pa los usuarios y vecinos de la playa de San Pedru la Ribera dempués d’un vertíu illegal al ríu. Esti podría ser por mor d’un problema nuna depuradora d’agua o de posibles desfechos d’autocaravanes y furgonetes.

El Ríu d’Esqueiru que desemboca na playa San Pedru la Ribera nel conceyu de Cuideiru sufrió un vertíu illegal qu’alteró los valores de e.coli y enterococos nel cursu y la desembocadura.

Un problema que s’achaca a una posible incidencia na depuradora d’agua o a posibles desfechos d’autocaravanes y furgonetes que duermen na zona de la playa.

Como comunicó l’Ayuntamientu nuna primer instancia, una de les midíes foi la prohibición d’entrada a furgonetes y autocaravanes a la contornada onde tán aparcaes davezu.

Col pasi los díes, l’Ayuntamientu de Cuideiru asoleyó una segunda instancia sobre la situación del agua d’El Ríu d’Esqueiru y la playa de San Pedru la Ribera.

L’Ayuntamientu espera una prueba complementaria que llegará esta selmana pa ver si se caltién la restricción d’aparcar a les caravanes o se quita.