Webcams
Buscar
Viaxe pela memoria de la Fábrica de Lloza de San Cloyo
La mano d’obra tuvo acentu de muyer na fábrica
Va 10 años zarró la Fábrica de Lloza de San Cloyo. Foi dempués de dos concursos d’acreedores y una dura llucha de dos años, protagonizada sobre manera por muyeres, qu’ocupaben el 80% de los puestos.
Mari Paz García Pérez y María José Mon son dos de les últimes trabayadores de la Fábrica de Loza de San Cloyo. Vuelven 10 años dempués del pieslle al taller de decoración onde dexaron media vida.
La mano d’obra tuvo acentu de muyer na llocería. Trabayu interxeneracional, per onde llegaron a pasar güelos, padres y fíos de delles families.
José Luis deprendió l’oficiu na Fábrica de Lloza de Xixón y dempués de dos años treslladóse a San Cloyo.
Nos años noventa la fábrica foi mercada pol empresariu Ruiz de Alda y entamó la so decadencia. Les fuelgües y movilizaciones, protagonizaes sobre manera por muyeres, fueron quien frenar un primer concursu d’acreedores, pero non el segundu. Dempués de dos años de griesca, la fábrica zarró.
Foi un día como güei, un 30 d’abril de 2009, dexando na cai a 150 trabayadores que la llucha escontra’l pieslle, y décades ente cacía y esmalte, xunió pa siempre.
